Royal Greenland A/S qanoq piniarpa?

Namminersornerullutik Oqartussat kisermaassillutik Royal Greenland A/S-imik piginnittuunissaat ilimananngilaq, inuussutissarsiornermut naalakkersuisoq, Siverth K. Heilmann piginneqatigiiffiup ippassaq ataatsimeersuarnerani taama oqarpoq.

- Naalakkersuisuisut maanna Royal Greenlandip siunissaa pillugu arlalinnik periarfissarsiuussilluni Royal Greenlandimik ataatsimeeqatiginnittarpoq. Periarfissaq siulleq tassavoq Namminersornerullutik Oqartussat kisermaassillutik piginnittuuginnarnissaat, aappaattullu piginnittut arlaqalersinnaanerat periarfissaalluni.

Namminersornerullutik Oqartussat siusinnerusukkut piginneqatigiiffimmut aningaasaleerusussimapput massakkulli Royal Greenland nammineq aningaasaliissussarsiornissaminik siunnersuusiornissaa kissaatigineqarpoq, piginneqatigiiffik akilersinnaanerusumik aalisakkanik tunisassiornermi unammillersinnaaneruniassammat, Siverth K. Heilmann taama oqarpoq.

Namminersornerullutilli Oqartussat aalajangiisarnermi sunniuteqarnertik atuutiinnasasoq kissaatigaat naalakkersuisullu piginneqatigiissutimik tunineqarnissaat kissaatiginngilaat, inuussutissarsiornermut naalakkersuisup ilanngullugu erseqqissarpaa.