Royal Greenland Polenimut nuuttoq
Allattoq Carla Davidsen
Royal Greenlandip pujuukkanik tunisassiornini Glyngøre-miit Polen-imut nuuppaa. Taama nalunaaruteqarpoq suliffeqarfissuarmi pisortaaneq, Keld Askær.
Royal Greenland-ip nuutsitsinerminut tunngavigaa, danskit sulisut nunani allani suliffissuup unammilligaani arfinileriaammik annerusumik akissarsiaqartinneqarmata.
Keld Askær-ip sulisunut 100-t missaaniittunut nuutsitsineq ajuusaarutigaa, suliffissuullu sapinngisani malillugu sulisut ilinniarnissaannik ingerlaqqinissaaannullu periarfissiiniarpoq.
Royal Greenland-ip Glyngøre-mi tunisassanik suliffinnillu allanik pilersitsisoqarsinnaanera nalilerpaa.