Royal Greenland pigisaminnik tuniniaavoq

- Wilhelmshavenimi tunisassiorfitta nutaanik piginnittoqalerneri ilorrisimaarutigaarput. Piginnittortaavisami tunisassiorfiit atorsinnaalluarpaat nutaanillu tunisassianik uagut Royal Grenlandimeersuusugut periarfissaqartissimanngisavut taakku periarfissarimmatigit. Taamaammat uagut Kalaallit Nunaanni atlantikullu avannaani ingerlatavut aallussinnaallualerlutigit, Michael Thinghuus, Royal Greenlandimi pisortaanerusoq taama unnersiorpoq.

Wilhemshavenimi tunisassiorfiit Royal Greenlandip tunisassiaasa 40 %-ii tunisassiarisarpaat, Royal Greenlandillu isertitaasa 30 %-ii tassanngaanneersuunerisa saniatigut tunisassiorfissuarmi tassani sulisut RG-p tamani sulisuisa 20 %-erivaat.

-Tunisassiorfimmik tunisinitta kingunerisaanik Royal Greenland aalisakkanik Atlantiku avannaaneersunik pitsaalluinnartunik tunisasiortuni siuttuunerput qaffassaqqissinnaanngussavarput, tamannami suleriaasitsinnut tulluarluinnartuummat, Michael Thinghuus oqarpoq.