Royal Greenland nunaqarfinni aningaasarsiorpoq
Royal Greenlandip tunisassiorfinnik nunaqarfinni ingerlatsineranut landskarsi siorna 7,2 millioner koruuninik tapiissuteqarpoq. Sullissinissamulli isumaqatigiissut malillugu tapiiffigineqarnissamik pisariaqartitsineq 3,2 millioner koruuninut annikillisoq Royal Greenland nalunaarpoq.
Nunaqarfinni Qeqertarsuatsiaani, Atammimmi Kangaamiunilu Royal Grenlandip tunisassiorfiit naammassisaqarsinnaassutsimikkut annertusaavigineqarput. Taamaammat nunaqarfinni taakkunani ingerlatsineq tapiissutinik pisariaqartitsiunnaarpoq.
- Taamaammat Royal Greenlandimit nuannaarutigalugu Aalisarnermut, Piniarnermut aammalu Nunalerinermut Naalakkersuisumut Ane Hansenimut allagaqaasiorluta nalunaarutigaarput, suliffeqarfik 2013-imi tapiissutigineqartussaagaluanit 7,2 millioner koruuniusuniit tapiissutinik ikililikkanik 3,2 millioner koruuninik tigusisinnaasoq – tamannalu Royal Greenlandip kiffartuussinermi pisussaaffigalugu isumagiumaagaanut allannguuteqarnavianngitsoq, Royal Greenland A/S-imi tunisassiornermi pisortaq Lars Nielsen oqarpoq.
