Royal Greenland-mut 10 millioni koruunit

Royal Greenlandip pisortarisimasaanut Ole Ramlau-Hansenimut sivisuumik taarseeqqusilluni suliaq ingerlareersorlu, isumaqatigiittoqarneratigut naammassineqarmat, 10 million koruuninik Royal Greenland pissarsisussanngortoq, Sermitsiap tallimanngormat saqqummersup allaaseraa.

Tuluit sillimmasiissarfiutaannit aningaasat, Royal Greenlandip pisortanut akisussaanermut sillimassineranik taaneqartartumit, pissarsiarineqassapput.

Taamaallilluni pisortaasimasup taarseeqquneqarneranik suliaq, 2001-imi pisortatut soraarsitsinermik aallartittoq naggaserneqarpoq.

Suliaq suliffissuarnik pisiortornernut aningaasanillu qulakkeerinnissutinut ingerlatseqatigiiffimmi siulersuisut akuerisimanngisaannut tunngassuteqarpoq, taamatullu pisoqarnera aningaasaqarnikkut annaasaqaataasimavoq.

Taarseeqqusilluni suliaq eqqartuussivimmut anngukkaluarpat inuit nuimasut arlallit uppernarsaasutut aggersarneqartussaagaluit ilaatigut makkuupput; pisortaasimasoq Ole Ramlau-Hansen, pisortap tullersortigisimasaa Lars-Emil Johansen, siulittaasuni siulittaasuusimasoq Uffe Ellemann-Jensen kiisalu siulersuisuni siulittaasup tullersortigisimasaa maanna suliffissuarmi pisortaasoq Keld Askær.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat