Royal Greenland GIF-imut aningaasaliisooqqissaaq
Kalaallit Nunaanni Timersoqatigiit Kattuffianni siulittaasup tulliata Finn Meinelip Royal Greenlandillu pisortaanerata 2013-imut aningaasaliisuunissamik isumaqatigiissut atsioqatigiissutigaat. Aningaasaliissutit immikkut kattuffinnut GIF-ip ataaniittunut qulingiluaasunut tamanut ilaqutissanngortinneqassapput.
- Royal Greenlandip Kalaallit Nunaanni timersoqatigiit Kattuffiannut aningaasaliinissamik isumaqatigiissummik sivitsuineratigut immikkut kattuffiit meeqqanut inuusuttunullu peqqinnissamik siuarsaataasumik suliniutaanik tapersersuinerminik nangitseqqinnera nuannaarutissaavoq, Royal Greenlandip pisortaanera Mikael Thinghuus oqarpoq.
Aningaasaliissutit immikkut kattuffiit meeqqanut inuusuttunullu isikkamik arsaannermik, badmintonimik, tae-kwondomik, sisorarnermik, qajartornermik, arctic sportimik volleyballimillu peqqissutsimut siuarsaataasumik atorneqarnissaat Royal Greenlandip suleqatigiinnissamik isumaqatigiissummi pingaartippaa.
-Royal Greenlandip nammineq kajumissutsimik timersornikkut sulinermut kr. 200.000-inik tapersersueqqinnera Kalaallit Nunaanni timersornermut ilaqutaasupilussuussaaq. Meeqqat inuusuttullu sunngiffimmi peqqinnartumik sammisaqarnissaat qulakkeerniarlugu sunngiffimminni nammineq kajumissutsinimmik sulisunut tusinderpassuarnut iluaqutaassaqaat. Taamaaliornikkummi meeqqat inuusuttullu timersortartoqatitik peqatigalugit peqqinnartumik susassareqatigiissinnaapput, Finn Meinel, Kalaallit Nunaanni Timersoqatigiit Kattuffianni siulittaasup tullia naqissusiivoq.