Royal Greenland amigartoorpoq
Suliffeqarfissuaq Royal Greenland, ukiup matuma affaani siullermi isertitakinneruvoq. Unammillerneqarneq, ukiuunerani sikuunera, atortussallu akitsoraluttuinnarnerat, isertitakinnerunermut tunngaviutinneqarput.
Allattoq Louise M. Kleemann
juunip 03-at 2008 06:08
Aalisakkat raajallu qaleruallit 85.900 tonsit tunisassiarineqarsimapput, siorna aamma taama amerlatigisimallutik. Naallu isertitsissutiginerat siornamit annerulaaraluartoq, aningaasartuuteqangaatsiarsimaneq pissutaalluni iluanaarutissat ikinnerusimapput.
Pisarnermit sivisunerusumik ukiorluusimavoq, sikuunera pissutaalluni angallatit angalasinnaasimanngillat suliffissuillu suliassaaleqisimallutik.
Ilulissanilu suliffissuaq ukioq uniusavittariaqarsimavoq. Polenimi illoqarfimmi Kozalinimi suliffissuarmik pisisimaneq Royal Greenlandip amigartoorneranut peqqutaaqataavoq.
Royal Greenlandip taamaalilluni ilimagaa ukiup naanerani 24 mio. koruuninik akileraarutit peernagit amigartoornissani. Siornamut naleqqiullugu 81 mio koruuninit ikinnerusunik.
