Royal Greenland akit assigiikkunnaarneranni akiliinerusalissaaq

Innaallagissap erngullu akii nutaat ukiortaamit atulersussat suliffinnik nutaanik pilersitsinaveersissasut, Royal Greenlandip pisortaa Henrik Leth isumaqarpoq, taassuma akit nutaat najoqqutaralugit naatsorsorsimalerpaa Royal Greenlandi ukiumut 3 milliuuni koruuninik akiliinerusalissasoq.

Royal Greenlandip tunisassiorfiini tunisassiat ingerlaavartumik pisariillisartuarneqassasut, Henrik Leth oqarpoq.

Henrik Leth aamma oqarpoq Sisimiuni Ilulissanilu kallerup innera imerlu akikinnerulissasut.

Tunisassiorfinnilu allani taakku akisunerulissasut, oqaatigisinnaangilaali Paamiuni Qasigiannguanilu tunisassiorfiit matussanersut, kisiannilu suliffissuarni taakkunani tunisassianik pisariillissaasoqaassaaq,

Kalaallit Nunaanimi tunisassiorneq nunarsuarmi akisunersaammat, Henrik Leth oqarpoq.

Henrik Leth isumaqarpoq akit assigiikkunnaarnissaat pissutaalluni, suliffinnik nutaanik aallartitsiniartut periarfissaqarnavianngitsut, pissutigalugu

naatsorsueriaatsimi nutaassami suli aallartitsinialluunniit akikinnersiussagaluarpata imaluunniit imeq suliffiliorfiuniartumi naammakkaluarpat eqqarsaatigineqanngimmata.