Royal Greenland aalisartunut juullimi tunissuteqartoq
Aalisartunut Royal Greenlandimut tunisisartunut aamma nunaqarfinni illoqarfinnilu Royal Greenlandip tunisassiorfiini sulisunut katillugit 3666-inut juullimi tunissutissanik suliffeqarfissuaq ulluni makkunani pajuttuileruttorpoq. Royal Greenland nittartakkamini taama allaaserisaqarpoq
Nuummi aalisartut ilaat, Lars Brian Heilmann, juullimi tunissutissaanik pajunneqartut ilagaat.
- Royal Greenlanip juullimi tunissutissanik pajuttuisarnera ileqquuvoq nuannersoq. Uagut ukiut pingajussaa pajutsippugut. Ukiut siuliini pajugutisisarnerput nuannaarutigisaqaarput aamma ukioq manna pajunneqarnerput nuanneqaaq, Lars Brian Heilmann rg.gl-imut taama oqarpoq.
Juullimi tunissutigineqartut tassapput inuit 4-6-it juullimi nereqatigiinnissaannut atortussat tamaasa, Royal Greenland taama ilisimatitsivoq:
Qeerlutooq ataaseq, puulukimineq siatassaq, rødkålit, mandelit, suaasat qaqortut, piskefløde, kirsebærsauce, kaffit aamma mamakujuttut poortat arlaqartut.
