Royal Arctic Linemi pisortap tullia suliunnaalerpoq
NUTARTIGAQ Pisortap tullia aamma COO-tut inissisimasoq John Rasmussen Royal Arctic Linemi ukiut 23-it sulereerluni isumaqatigiissuteqarneq tunngavigalugu suliunnaalertoq, tusagassiutinut nanuluaarummi allassimavoq.
Ullumi pingasunngornermi kingullermik sulivoq.
Allattoq Camilla Dam
septembarip 30-at 2015 15:11
Nutserisoq Jens Thorin
- John umiarsuaatileqatigiiffiup Royal Arctic Linetut pilersinneqarneraniit ineriartortitsinermi annertuumik pingaaruteqarsimasoq. John tunniusimalluni maannamut sulininini uatsinnut tunniussimavaa Royal Arctc Linemiillu suleqatiginera nuannarisimavarput, Royal Arctic Linemi pisortaaneq Verner Hammeken oqarpoq.
John Rasmussen ukiuni qulingiluani COO-ullunilu pisortamut tullersortaavoq. Rotterdamimi containerinik assartuisarfimmi Sea-landimi sulereerluni, Royal Arctic Linemi sulilerpoq, siullermik assartugalerinermik ingerlatsinermi pisortatut, kingornatigullu umiarsualivinni divisionschef-inngorluni.
NUTARTIGAQ Pisoq KNR-imiit soraarsitsinertut taavarput, Royal Arctic Linemiilli taamaannginnerarpaat.
