Royal Arctic Line Uummannaliartitsilersoq

Suliassamullu tassunga Royal Arctic Linep Irena Arctica aamma Pajuttaat atorniarpai. Umiarsuaatileqatigiiffik nittartakkamini taama allaaserisaqarpoq.

- Siorna decembarip qaammataani sikunera pissutigalugu Uummannamut apuunneqanngitsoortut maannalu Nuummi Aasiannilu uninngatinneqartut nassarniarneqassapput.

Assartugassat Nuummit, arfininngornermi marsip tallimaani Aasianniillu marsip arfernani nassarneqarsinnaapput.

Irena Arctica aamma Pajuttaat Uummannamut marsip arfineq-aappaani tikissangatinneqarput.

Upernaviliartitsinissaq nalornartoqarpallaartoq

Upernaviup avataa sikoqanngikkaluartoq Royal Arctic Line naliliivoq Upernaviup tikinniarnissaa nalorninartoqarpallaassasoq. Upernaviup kujataani siku umiarsuit akornutigileratarsinnaavaat tamannalu kitaata sineriaani pilersuinernut allanut akornutaalerluni, Royal Arctic Line taama allappoq.

Royal Arctic Linelli sikoqassuseq ingerlaavartumik nalilersussavaa sikulu aamma sila apeqqutaatillugit Upernaviliartitsisoqassanersoq aalajangiiffigiumaarlugu.