Royal Arctic Line umiarsuarnik tallimanik sanasussanik ujarlerpoq

- Umiarsualiorfimmik Polen-imiittumik Remontowamik isumaqatigiinniarnerit ingerlapput.

Umiarsualiorfik taanna isumannaatsuuvoq, umiarsuaq Mary Arctica tassani sananeqarpoq aamma Sarfaq Ittuk tallineqarami tassani suliarineqarluni.

Umiarsualiorfik taanna nalunngilluarparput, Kalaallit Nunaannut naleqquttunik sanaartorsinnaavoq, attaveqarnermut pisortaq oqarpoq.

Isumaqatigiissutip imarisaa pillugu oqaaseqarfigisinnaanngikkaluarlugu tyskit umiarsualiorfiannik maanna akiliisinnaajunnartumut isumaqatiginniarnermut assinguvoq.

Isumaqatigiinniarnerit maanna ingerlappavut, taamaattumik isumaqatigiissutit ataasiakkaat pillugit oqaaseqarsinnaanngilagut.

Umiarsuit sanaartorneqarnissaanut pilersaarutit Tyskland-imi aallartinneqartussaagaluartut assigai.

Isumaqatigiissuteqarnissap qanittumi piviusunngornissaa  ilimanaateqartorujussuuvoq.

Isumagineqartussat pisariaqartinneqartut eqqarsaatigalugit isumaqatigiissut aasap naalernerani piviusunngorsinnaavoq,

- Siulersuisut septembarip aallaqqaataani ataatsimiissapput, ataatsimiinissaallu sioqqullugu isumaqatigiinniutigineqartut amerlanerit inissereersimanissaat neriuutigarput, siulersuisut ataatsimiinnerminni aalajangiiniassammata, Jakob Strøm oqarpoq.

Pissutsit pissusissamittut ingerlariarpata, Royal Arctic Line-ip umiarsuassai tallimat ilai siulliit  Kalaallit Nunaata imartaani ukiut marluk ingerlaneranni angalalereersinnaaput.

Umiarsuit siulliit  2015-ip ukiuata affaani siullermi tunniunneqarnissaat naatsorsuutigalutigu sulivugut.  Royal Arctic Line-imi paasissutissiinermut pisortaq Jakob Strøm taama oqarpoq. 

Jakob Strøm Royal Arctic Line-mi attaveqatigiinnermut pisortaq taama oqarpoq.

Taassuma ilanngullugu oqaluttuaraa, umiarsuit sananeqarnerisa kinguaattoornerat nunatsinni innutaasunit malugineqarnavianngitsut, RAL-imi maannakkut umiarsuit pigisai suli ukiuni arlaqartuni atorneqarsinnaammata.