Royal Arctic Line A/S siulittaasortaarpoq

Nunatsinni suliffeqarfissuit annerpaat ilaanni Royal Arctic Linemi siulersuisut arnamik siulittaasortaarput.

Royal Arctic Linemi siulittaasunngortoq tassaavoq Kanukokami pisortaq Martha Labansen.

Royal Arctic Linemi siulittaasuusimasoq Jette Larsen Arctic Umiaq Line A/S-imi pisortanngornini pissutigalugu tunuarmat umiarsuaatileqatigiiffimmik piginnittut ullumi immikkut ittumik ataatsimeersuartut Martha Labansenip siulittaasunngortinneqarnera nalunaarutigaat.

Royal Arctic Linep siulersuisui massakkut tassaalerput; siulittaasoq Martha Labansen, siulittaasup tullia Kristian Lennert, ilaasortallu Bent Østergaard, Tage Lennert, Bent Mortensen, Efraim Tittussen, Fritz Plough Nielsen aamma Mariane Hansen.