Royal Arctic Line: nunaqarfinni talittarfiit ajornartorsiutaasarput

Aammali nunaqarfinni allani ajornartorsiuteqarpoq. Royal Arctic Line-p pisortaa John Rasmussen oqarpoq.

Nunaqarfik Ilimanaq nuannersuuvoq Ilulissanut qanittumiikkami. Kisianni ilaasunik angallassitilluni ilaasut ajornannginnerusumik niusarfeqartuugunik iluaqutaassagaluarpoq, John Rasmussen oqarpoq.

Aammali nioqqutissat nunaqarfimmut assartorneqartut nioorarniartillugit marloriarlugit kivinneqartariaqartarput, Ilimanami talittarfik pukkimmat, ulinngatillugu aatsaat niooqqaasoqarsinnaammat, aatsaallu nioorarneqareerangata qullaqqeriarlugit pisiniarfimmut assartuisoqarsinnaalluni, tamannalu pisariuvoq, taamaattumillu Ilimanami talittarfiup ajorneranik oqarneq ilumoorpoq. John Rasmussen oqarpoq.

- Nunaqarfinni talittarfiit iluarsiiffigineqarnissaat naatsorsuutiginngilarput, taamaattummillu Roayl Arcticip nunaqarfinnut kiffartuussivia nunaqarfinni periarfissaasunut naleqqussartarpoq. Nunaqarfiit ilaanni imaq ulikkaangat aatsaat niooqqaasoqarsinnaasarpoq, nunaqarfiillu ilaannut talittoqarsinnaanngikkaangat palammat atorlugit nioqqutissat assartorneqartariaqartarlutik.

Royal Arctic Bygdservice Assersuutigalugu Ikamiuni, Saqqami, Oqaatsuni, Kangerlummi, Kullorsuarmi Qaarsunilu, palammat atorlugit niooqqaasariaqartarpoq, sivisunerusumik sulinermik kinguneqartartumik.