Roskildefestivali iluatsilluarpoq

Roskilde Festival 2006 iluatsilluarpoq, ilaatigut tusaamasarsuit Bob Dylan aamma Roger Waters-ip tusarnaartitsinerannut bilitsinik nunguussaasoqarsimalluni. Kalaallilli nipilersortartunik taakkunannga tusarnaariarnissamut iluatitsisimasut ilaat suleqatitta seqinnarissuugaa tappavani naapisimaarpai.

-Tassa kammalaatikka qangali takunikuunnginnakkit, aamma qatanngutiga. Amerlasoorujussuulluta nuannisaartorujussuuvugut, appisimaarluta aamma kalaallisuunik. Nuannisaartorujussuuvugut. Frederik Elsner oqarpoq.

Roger Waters nipilersoqatigiinnit Pink Floydikkunneersoq tusarnaariassallugu qilanaarineqaqaaq, kalaallillu tusarnaariannginnerminni atugaanik tusaqqoorsimasaminnik appisimaarujoorput.

-Pissutigalugu tusarnaariartussaagatsigu meeraallautali nuannarinermik. Massakkunyuna tassa appisimaarujooripput erinniaataa, ilaa.

Meeraallungali tusarnaartarnikuugkku angaaqqama ilikkartinnikuugamigit. Narsami peroriartorama tassa tusarnaaginnavittaramikkit, taakku inuusuttuaraallutik, uanga meerakasiullunga. Peroriartorpunga tassa Roger Waters nipilersorujoortoq. Roskilde-festivalimit Frederik Elsner, Hans Mortensen aamma Angu appisimaarujoorput. Festivalilu ippassaq naammassivoq.