Roskilde Festivalimi taseq naluffigeqqusaajunnaarpoq

Taseq quumik annanillu ima migutsinneqartigaaq festivalimik aaqqissuisut avatangiisinut nakkutilliivik isumasioqatigereerlugu naluffigeqqusaajunnaarluni, Politiken taama allappoq.
juulip 02-at 2010 15:44

- Tassa quumik annanillu ulikkaarpoq. Inuit arlaasa taseq qorfigalugulu anartarfigaat, taamaaliornerullu kolibakterissat amerlisissimavaat. Taamaammat taseq atoqqusaajunnaarparput, tusarnaariammi napparsimalernissaat kissaatiginngilarput, festivalernermi camping-ertarfimmik aqutsisoq Jan Bechmann oqarpoq.

Tatsip ukioq manna ammaateqqinnissaa taassuma qularaa, tassami maanna tatsimit misiliutit inerneri utaqqineqarmata.

Tusarnaarianik 100.000-iusunit taseq nuannarineqaraluaqaaq, tassami ukioq manna festivalertoqarnerani silagittartorsuummat.

Tatsimut taarsiullugu tusarnaariat nillarsiutissaannik aputiliuutit atorneqassapput. Tamatuma saniatigut imermik seqqartaatit aamma atorneqassapput.

- Taamaaliornitsinni imeq tatsimeersuussanngilaq, Jan Bechmann Politikenimut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq