Rosing-Petersen peqqissiminngilaq
- Tusaatissatut tiguara, Partii Naleqqamut ilaasortaasimasoq, Per Rosing-Petersen oqarpoq.
Taassuma aamma oqaatigaa, ilaasortaajunnaarsitaanini tusagassiuutinut nalunaarutikkut paasisimallugu.
- Ullaaq nunanut allanut sillimaniarnermullu ataatsimiititaliami ataatsimiinninni taanna tusagassiuutinut nalunaarut nassiunneqarsimavoq. Susoqarsimanersoq ataatsimiinnerma kingorna aatsaat paasivara, Per Rosing-Petersen oqarpoq.
Aamma atuaruk Suleqatigiinnermi ajornartosiutit ilaasortaajunnaartitsinermut pissutaasut
Partiimullu allamut ilaasortanngorniarnissani suli eqqarsaatigisimanngilaa.
- Tassa attaviitsuuvunga. Aamma taanna atorluarniarumaarpara, Per Rosing-Petersen oqarpoq.
Suleqatigiinniarnermi piffissami sivisuumi ajornartorsiutit Per Rosing-Petersenip partiimit ilaasortaajunnaarsinneqarneranut pissutaasut, partiip siulittaasuata Hans Enoksenip oqaatigereerpaa.
Tamannalu Per Rosing-Petersenip uppernarsarpaa.
- Sunaluunniit, qimanneq avinnerluunniit ullormiit ullormut pineq ajorpoq. Sorpassuit assigiinngitsut aporaaffiit ingerlasimapput, Per Rosing-Petersen oqarpoq.
Ilaasortaajunnaarsinneqaraluarlunili oqariartuutigisarsimasani aalajangiusimavai, peqqissumissutissaqarnanilu aamma oqarluni.
Aamma atuaruk TELE-mi pisortaq Rosing-Petersenimut: Pasilliutit uppernarsaruk
Partii Naleraq Telep pisortaanut utoqqatsertoq
Per Rosing-Petersenilli partiimut ilaasortaanermini paragraf 37 naapertorlugu apeqquteqaatimini Telep pisortaa, Kristian Reinert Davidsen Savalimmiuni ingerlatseqatigiiffimmut amigartooruteqartitsisimanerarlugu toqqaannanngitsumik pasilliineranut Partii Naleraq utoqqatsissuteqarpoq.
- Partii Naleqqap anguniagarinngilaa inunnik ataasiakkaanik sulisunillu ataasiakkaanik malersuineq, Partii Naleqqap siulittaasua Hans Enoksen tusagassiuutinut allappoq.