Assi: KNR

Rosing kommunalbestyrelsimut uteqqippoq

Nivi Olsen kommunimi qinikkatut sulinerminit ukiumi ataatsimi sulinngiffeqarniarluni aalajangerpoq, ilaasortaaffimminiillu sulinngiffeqarnermini partiimit allami siulittaasumit taarserneqartussanngorpoq. Aviisi AG ullumi saqqummersoq taama allaaserisaqarpoq.

Nivi Olsenip sinniisussaa, Suleqatigiissitsisut siulittaasuat Michael Rosing, naalakkersuinikkut taamaasilluni suliaqaqqilissaaq. Naallu Michael Rosing Demokraatinut ilaasortaajunnaareeraluartoq, Nivi Olsenimut Kommuneqarfik Sermersuup kommunalbestyrelsiani sinniisussaatitaanini pillugu kommunalbestyrelsimi maanna ilaasortanngussaaq, borgmesteri Asii Chemnitz Narupillu malittarisassat tassunga atatillugu AG-mut ima erseqqissarpai:

- Tamatumunnga tunngatillugu qinersinermi malittarisassani erseqqissorujussuarmik allassimasoqarpoq. Taamaalilluni qinigassanngortittuni sinniisussatut qinigaasoq ilaasortnngortussaavoq. Qinigassanngortittup pineqartup partiimut allamut kingusinnerusukkut nuussimanera apeqqutaatinnagu, Asii Chemnitz Narup AG-mut oqarpoq.

Tillie Martinussen Suleqatigiissitsisunik pilersitseqataannginnermi siorna Demokraatit sinnerlugit Kommuneqarfik Sermersuumi sinniisussatut siullertut inissisimagaluarpoq, qinigaaffinnulli marlunnut ilaasortaanissani taassuma akerliuffigaa, Kommuneqarfik Sermersuumilu kommunalbestyrelsimut ilaasortaanissani kissaatigisimanagu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat