Romano Prodi Italiami qiterlerni saamerlerneersoq, Italiap ministeriuneratut ippassaq ivertinneqarpoq.
Ministerinngortinneqarnera præsidentip illussaarsuani pivoq, qinigaaneralu Italiami politikkikkut nutaamut ikaarsaariarfittut isigineqarluni.
Prodi siulliulluni præsidentimit Giorgio Napolitano-mit ivertinneqarpoq, kingornalu naalakkersuisunngortut 25-t, taakkunannga arnat arfinillit, ivertinneqarlutik.
Prodi ivertinneqanngitsiarnermini qinersinerup kingorna avissaartuuffioqisumi sapaatit-akunnerini arlalinni utaqqisitsereerluni naalakkersuisussani nalunaarutigai, tassanilu ersoqatigiinnissamik isumaqatigiinnissamillu neriorsuisoqarpoq.
Oqaluttuarisaanermi qinersinermi aatsaat taama naligiiffiutigisumi qiterlerni talerperliunerusuneersoq Silvio Berlusconi ministeriuninngoqqinngitsoorpoq.