Romano Prodi Italiami ministeriuninngussangatinneqarpoq, qinersivimmit anilernermi apersuinerit siulliit kisinneqarmata tamanna paasinarsigallarpoq. Italiami qinersineq nalunaaquttap aappaata affaata matuma siorna naammassivoq.
Silvio Berlusconi taassumalu partiia Forza Italia taarserlugit Prodi saamerliuniaasoq taamaalilluni naalakkersuisooqatissarsiortussanngussangatinneqarpoq.
Berlusconi oqaluttuassartalerujussuuvoq. Italiamilu naalakkersuinermik suliallit ukiorpaalunni siuttut ikittuinnaat ilagaat.
Pisooq, tusagassiorfinnik arsaattarfinnillu piginnittoq ukiuni tallimani ministeriunerusimavoq.
Romano Prodi naalakkersuisooqatigiinnik suleqatigiisitsiniarnissamini artorsarnerulaassangarpasippoq. Partiit qiterliusunik taaneqartartut saamerliunerpaanik suleqatissarsiortittussaavai.