Rolling Stones Danmarkimi tusarnaartitsissapput
Naalagaaffiit Peqatigiit qullersartaavat, Ban Ki-Moon uissuummisitsilluni Irakimut ullumi tikeraarpoq.
Irakip ministeriunera al-Makiki tikilluaqqusivoq, oqarlunilu, Irak tassaalersimasoq nuna isumannaatsoq, tamatumunnga Ban Ki-Moonip tikeraarnera takussutissaanerarlugu.
Tusagassiortunilli katersortitseruttortut angutit katersortitsiffimmik ikorfaaniileruttorlutik qanngorpallarujussuarnermit akornuserneqarput.
Naalagaaffiit Peqatigiit qullersaat peqipallappoq paarngorlunilu oqaluttarfiup tunuanut toqqorluni, inimiittulli tuparujussuaannarput, qaartartormi illorsuarmiit 50 meterinik ungasitsigisumi qaarsimavoq, illu tusagassiortunik katersortitsiviusoq Bagdadimi isumannaatsumi inissisimagaluarpoq.
Nutaarsiasaqartitsivik AP naapertorlugu Ban Ki-Moon masseqqikkami assut tupassimarpasissimavoq. Tusagassiortunik katersortitsineq minutsit arlaqangitsunnguit qaangiummata aallarteqqippoq, ataasiinnarli apeqquteqareersorlu tusagassiortunik katersortitsinertik unitsippaat.
