Rockeriugunartut toqorarneqarsimapput
Canada-p oqaluttuarisaanerani qaninnermi toqoraasimanersuit ilaat arfininngormat ullaakkut paasineqarpoq.
Canadami Ontario-p kujasissuani illoqarfeeqqat ilaanni angutit toqutaasimasut timaat arfineq-pingasut, nunaatilimmit arfininngormat ullaakkut nanineqarput.
Angutit toqorarneqarsimasut tassaasorineqarput, rockerini Bandidos-inik taaneqaartartuninngaanneersut.
Toqoraasimanerit pillugit paasissutissanik Canadami politiit tunniusserusunngikkallartut CBC allappoq, oqaatigineqarporli angutit toqutaasimasut tamarmik imminnut ilisarisimasuusut.
Inunnik takunnissimasinnaasunik, ilaatigut motorcykelinik biilinilluunniit tallimanngornerup arfininngornerullu unnuaani angallattoqarsimaneranik takunnissimasinnaasunik Canadami politiit attavineqarusupput.
