Rockerit sisamat tigusaapput
Rockerit Bandidosikkunneersut sisamat politiinit unnuaq tigusaapput. Taakku nakorsaasiortut Novo Nordiskikkut Gentoftemi fabrikkiutaanni tillinniarniarsimagaluarput.
Allattoq Mads Lynge
Iisartakkanik suanngarsaatinik tillinniariaraluarput, politiinilli tigusaallutik. Tallimanngormat tillinniarsimapputtaaq, iisartakkallu isertortumik tuniniarneqassamaarsimanersut ilisimaneqanngilaq.
- Iisartakkat tuniniassamaarsimaneraat namminerluunniit atussamaarsimaneraat ilisimanngilarput. Rockerit iisartakkanik pineqartunik atuisuusut naluneqanngilaq, Nordsjællandip politiivineersup Karl Erik Agerbop dr.dk-mut oqaatigaa.
Novo Nordiskimi isumannaallisaaniat suleqatigalugit politiit tillinnianik tigusarinnipput, tigusarineqartullu ullumi killisiorneqassallutik.