Robottit atorlugit arferit qarluusarneri immiunneqartalissapput

Amerikami imaanik ilisimatusarfik, Woods Hole Oceanographic Institution, robottinik - aamma gliderinik taagorneqartunik -ineriartortitsisuuvoq. Robottit taakku naalarutinut atortorissaarutit atorlugit qanittumi arfeqarnersoq nalunaarsuisinnaapput, tamannalu ilisimatuunut nalunaarutigalugu. Jyllands-Posten taama allappoq.

Imaanik ilisimatusarfiup robottit imartani arfeqarfiusuni umiarsuarnut kalerriisartussatut atorniarpai, umiarsuit taamaalillutik kigaallanniassammata arfernillu apornissaat pinngitsoortillugu.

Arfernik ilisimatusartoq Peter Teglberg Madsen, Jyllands-Postenip oqaloqatigisimasaa naapertorlugu, atortorissaarutinik taama ittunik ineriartortitsisoqarsimanera pitsaalluinnarpoq. Siornatigummi mikrofonit kabelit atorlugit imaanut kiviseqqaarlugit arferit naalaarneqartarsimapput, imaluunniit mikrofonit sikup ataanut ivertissinnarlugit immiussat inerneri ukioq ataaseq utaqqineqartarlutik. 

Robottit nordkaperinik, tikaagulliusaanik, tikaagulliusaarnanik kigutilissuarnillu naalaartussanngorlugit aaqqissugaapput. Atortorissaarutillu nutaat sanngeequteqarput: Arferimmi qarluusanngippata robottit nassaarisinnaassanngilaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat