Robotsit sulisalissapput

Japanimiut inuusianik robottinik ikiorteqarnialeqaat. Japanimi isummersoqatigiittartut / tassa eqqarsaqatigiillutik isumassarsiniartartoqatigiit siunissami ukioq 2025 nallertinnagu robotsit inuusiat suliffinni sulisussaaleqiffiusuni 3,5 mio.-iusuni sulisinneqarsinnaalissasut, aviisip politikenip allaaseraa.

Erseqqissaatigineqarporli robotsit inunnik taarsiisussanngortinniarneqannginnerat taamaallaalli inummut oqilisaasussatut atorniarneqarnerat, taamaaliornikkummi inuit pingaaruteqarnerusunut piffissaqarnerulersinnaaniassammata.

Robotsit meeqqanik utoqqarnillu paarsitinneqarsinnaasutut eqqarsaatigineqarput aammalu asaasussatut eqqarsaatigineqarlutik.

Aammagooq nipituumik atuakkamik atuffassillutillu utoqqaat uffaleraangata ikiortarsinnaassavaat.

Naatsorsuutigineqarporlu robotsit sulisinneqartalerpata utoqqaat sullinneqarnerat eqqarsaatigalugu Japanimut 21 milliarder dollarinik sipaarutaasinnaassasoq.

Japanimiut taama eqqarsarnerat danskinit tapersersorneqarportaaq tassami oqaatigineqarpoq

danskit naalakkersuisuisa ukioq manna aningaasanut inatsimmut teknologi atorlugu suliffeqarfinnut oqilisaassinissamut atorneqartussanik 3 milliarder koruunit nalinginik immikkoortitsisimasut.

Kalaallit Nunaannili aningaasanut inatsimmi takusartakkavut naapertorlugit naamerluinnaq robotsit pillugit immikkut kontoqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat