Robotsi meeraliaq ilisimatuut oqalussinnaalersinniarsaraat
Ilisimatuut Syddansk universitetimeersut robot-i meeraliaq angajoqqaat qitornaminnik oqalussinnaalersitsiniartarnerattulli ilillugu robot-iliartik oqaluttalersinniarpaat.
Allattoq Louise M. Kleemann
Robot-ilugooq eqqarsarsinnaallunilu nutaanik ilikkagaqarsinnaassaaq, siunertarineqarporlu robot-i inummik oqaloqateqarsinnaalissasoq.
- Qarasaasiaq nalinginnaasumik oqaatsinik 1000-nik immiussisinnaavoq taakkulu najoqqutaralugit oqaaseqarsinnaasarluni. Robot-ilu una meeqqatut ilillugu oqalunnermik ilinniartinniarparput, oqaatsinik nutaanik ilikkassaaq oqaloqatigiinnermilu akisinnaalersinniarparput, universitetimi lektori Kerstin Fischer aviisimi B.T.-mi taama issuarneqarpoq.
Aatsaallugooq siullerpaamik ilisimatuut robot-imik inummik inuttut attaveqarsinnaasumik nassaarniarsaripput.