Roboteq isarukitsut piaraattut isikkulik isarukitsorsuarnut qanillattortoq

Taamaattumik uumassusilerisut isarukitsorsuit taakku qanoq uumanersut paasisaqarfiginiarlugit nutaamik atortussarsisimapput.

Taakku isarukitsorsuarmik piaqqamik robotiliorsimapput, taannalu Sikuiuitsumi Kujallermi isarukitsorsuit akornanni angalaarpoq, isarukitsorsuillu ulluinnarni inuunerannik assilisaminik ilisimatuunut nassiussuisarluni.

Isarukitsorsuarnik alapernaattumik filmiliaq nuannersoq BBCp niitartagaani takusinnaavat.

Uumassusilerisut oqaatigaat, roboti ima ilumoorpasitsigisoq allaat isarukitsunit allanit oqaluunneqartarluni, aallammi qaninniarneqartarluni.

Uumassusilerisut 200 meterinik ungasissusilimmiit roboti ungasianit aquppaat.

Taakkua ilisimatitsissutigaat roboti qasertunik meqqulimmik ameqartoq, qernertunik taleqarluni aamma kiinnaa qernertumik qaqortumillu qalipanneqarsimasoq.

Uumassusilerisut oqaatigaat roboti pineqartoq robotiliarisamik tallimassarigaat.

Misiliutigalugit robotiliaat siulliit isarukitsunit akueriumaneqanngillat. Allaammi isarukitsoq robotiliaat siulleq isarukitsorsuarnit nerineqarsimalluni.  

Uumassusilerisut paasisaat pillugit uani atuarsinnaavutit.