Robin Hood suli utaqqigallassaaq
Naalagaaffiup unnerluussisua eqqartuussiviillu qullersaanni eqqartuussisut tallimat tamarmik eqqartuussivimmut isereersullu illersuisup napparsimanini oqarasuaatikkut nalunaarutigaa.
Eqqartuussivimmi suliassaq Angut Kleistimut tunngasuuvoq, Danmarkimi aningaaseriviit ilaannit 1,3 millionit koruuninik kukkusumik ikisisoqarsimammat, isumaqarsimavormi eqquiniaanermi eqquisimalluni, taamaammallu aningaasanik atuipallappoq, nunaqqatiminullu pissakilliornerusunut aamma agguaalluni.
Inuiaqatigiinni nalunaaquttap akunnerini 100-ni Landsret-imit sulisitaasussanngortinneqarpoq, nassaanillu anngiortumik atuisarsimasutut aamma eqqartuunneqarluni. Taannaluuna Eqqartuussiviit Qullersaannut nangeqqitassanngortinneqartoq. Angut Kleist Kredsrettimit siusinnerusukkut pinngitsuutinneqarpoq.
