Robin Hood pinngitsuutinneqarpoq
- Aningaasanik pissarinngisaminik atuisimasutut unnerluutigineqarnermini pinngitsuutinneqarpoq, vicepolitimester Morten Nielsen oqarpoq.
Aningaasat 1,3 millionit koruunit kukkuluttornikkut angutip kontoanut ikineqarput, pisariaqartitsisutullu isigisani aningaasanik agguaassiffigalugit. Tamatumalu kingunerisaanik Robin Hoodimik taaguuteqalerpoq.
Robin Hoodip pinngitsuutinneqarnera, Morten Nielsenip itinerusumik oqaaseqarfigisinnaannginnerarpaa, eqqartuussinermi pappilissat suli takusimannginnamigit.
Robin Hoodimulli eqqartuussineq tamaanga killeqanngilaq. Nanortalimmi eqqartuussisoqarmat spejderit aningaasaataanik peqquserlussimasutut angut taanna 6.000 koruuninik akiliisussanngortinneqarpoq.