Robin Hood Højesteretimut
Angut Nanortalimmioq Robin Hoodimik taaguuteqartinneqartoq, nunatta eqqartuussiviani januarip qaammataani akunnerni 100-ni inuiaqatigiinni kiffartuussisussatut pineqaatissinneqarpoq, imigassamillu atornerluinermut katsorsarneqartussanngorlugu pineqaatissinneqarluni.
Angut taanna ukiut pingasut matuma siornatigut tusaamasanngorpoq, kujataani nalunngisaminut ilaquttaminullu aningaasarpassuarnik eqqorsimasorisaminik agguaammat.
Angutip taassuma aningaaserivimmi kontoanut 1,3 mio. koruuninik ikisisoqarpoq.
Angutip taassuma aningaasat 400.000 koruunit atorpai, ilaatigut Nanortalimmi Brugsenimi inuit nalunngisani pisariaqartitaannik akiliuttarlugit soorluttaaq nalunngisani aningaasaateqarpasinngitsut aningaasanik tunisarlugit.
Roobin Hood Nanortalimmeersoq aningaasanik piginngisaminik atuisimasutut Nanortalimmi eqqartuussivimmi pinngitsuutinneqarpoq, kingornali Nunatta Eqqartuussiviani pineqaatissinneqarluni. Nunatta Eqqartuussiviata aalajagigaa tassa maannaeqqartuussiviit qullersaanni Højesteretimi aalajangiiffigineqartussanngorpoq.
