Robin Hood aappassaanik annanniartussanngorpoq
Nanortalimmiut ajunngitsuliortaat, Nanortallip Robin Hoodianik taagugaalersoq, pillugu suliaq suli naammassineqanngilaq. Eqqartuussiviup aalajangernera Robin Hoodip pinngitsuutitaaneranik inerneqartoq aningaaseriviup BRF Bankip Nunatta eqqartuussivianut suliassanngortippaa.
- Aningaasaatitta tigoqqinnissaat tunngaviatigut taamaatiinnanngilarput, aningaaseriviup pisortaa Leonhardt Pihl Atuagagdliutinut oqarpoq.
Aningaasat 1,3 millionit koruunit Angu Kleistip kontoanut ajutoornikkut ikineqarput. Eqquiniaanermi eqquisimasoraluni 400.000 koruunit atoreerai kukkuneq paasineqarpoq.
- Aningaaseriviup nakkutilliissutaata ajortinnerata inuullu kukkunerata tamanna kingunerivaa, aningaaseriviup pisortaa aviisimut taama nassuiaavoq.