Rita Inûsugtoq sukkanniunnissaminut piareerpoq
-Pissangajartuaalaarpunga, aqqutaanut. Qimussernissannut ajorinngikkaluarpara, aqqutaanut pissangalaarpunga, Rita Inûsugtoq oqarpoq. Ilami aqqutissaa imaannaanngilaq.
-Nunaanaarsinartorujuuvoq, sukkanniuffigerusunnanngikkaluarporluunniit, Rita Inûsugtoq oqarpoq.
Avannaata Qimussersualu issangiarnerata kingunerisaanik unitsinneqassanngilaq, unammersuarnermili malittarisassat avaqqunneqassapput.
-Naliginnaasumik qimussit ataatsikkut aallartinneqartaraluarput. Narsarsuaq tappinnga illerngi kisimik aputeqarput, sinnera aputeqanngilaq, taamaattumik qimussit 28t peqataasussat eqqarsaatigalugit marlukkaarlutik aallartassapput, 5 minutsimik akunneqarlutik, Mikkel Jeremiassen KNQKimi siulittaasoq oqarpoq
Unammisussallu 28usut arnartatuaat aqqutissaminut merserinnilaaraluarluni unammeqataassaaq
-Tasa ajutuunngikkuma ajunngilaq, sidsteungaluarumaluunniit ajorinngilara naammagissuara, tassa ajutoornanga naammassinguma qujanaq, Rita Inûsugtoq oqarpoq.