Rita Avannaata Qimussersuani normu 10-nngorpoq
Avannaata Qimussersua Jørgen Kristensen tikikkiartormat isiginnaartut qiimaqaat, normu 1-iulluni tikittup malittaa paasineqarmat, tassaasoq Rita InûsugtoK´ isiginnaartuulluni avaallanneruinnarput.
Rita Inûsugtup angutaa Kari, Kristian InûsugtoK`tuppalleqqaqisoq tikilluaqqusisorpassuarnut isiginnaarpoq, tassa Rita Iluliarmiunit unguneqarsimavoq, marloriarlunilu kivinneqaqattarluni.
-Tassa nuannaaqaanga, ajorani apuummat, inuunermi misigisaq allaaqaaq - Tassa aallarmalli isumaalorujussuarsimavunga nunataa manngerpallaaqimmat taavalu aamma unittarluni. Assut illersorneqaraluarluni, akunnattorujummik ippassarli inissikkami, unittarlunilu. Ullaaq manna pilerittalluni aallarpoq, Kristian InûsugtoK`oqarpoq.
Rita InûsugtoK` sukkanniunnermi normu 10-nngorpoq.
-Nuann! Aqqutaani marloriaq katataangaluarpunga, qujanartumilli sillimalluariarama. Tikilluaqqusaanerit qanoringajuk? Nuanneq, killitsinnaq aa, attortittorujuuvunga.
Avannaata Qimussersua Jørgen Kristensen, ukioq manna naggataartoq aamma persuarsiutigineqaqaaq.
-Tassa massakkut naggataamik Avannaata Qimussersuanut naggataamik peqataaniarlunga aalajangernikuuvunga. Tassa Naggataarpunga. Qanoq misigisimavit?
Tassa nuannersorujuuvoq. Aqqutaani tappikani inuit ilaata oqarfigigaminga, tappavunga ingerlalluta. 1½ minutsimik siulliullunga, tassa eqqarsaatigiinnarlugu arriillinaveersaarlunga, taava saneqquteqqikkanni oqarami 3 minutsiminngooq siulliusunga, taava taamaaleriarmat qulariunnaaginnarpara 1-iullunga, Jørgen Kristensen oqarpoq.
KNQK-mi siulittaasup Mikkel Jeremiassenip Avannaata Qimussersua 2013 ajunngitsumik nalilerpaa.
-Ajunngitsumik nalilerpara. Taanna aallarartitsineq marlukkaarinerusoq, tassa allatut ajornartumik taamaliuinnarpugut, kisianni aamma taamaaliorneq periuseq taanna atorneqarsinnaasoq, taanna uppernarsarneqarpoq. Tassa naleqqussarsinnaassuseqarneq taanna qimussip pingisaa takoqqipparput, Mikkel Jeremiassen oqarpoq
Jørgen Kristensen normu 1-inngorpoq, Kristian Lundblad aappaattut, Kuno Markussen pingajuusoq, John Eliassen 4-nngortoq 5nngorporlu Isak Siegstad