Risø Nunatsinni sammineqartoq

Atassutip Inatsisartunut ilaasortaataata marluusut Siverth K. Heilmannip Gerhardt Petersenillu Naalakkersuisunut § 37 naapertorlugu apteequteqaateqarlutik danskit ilisimatusarfiata Nunatsinni sulinera pillugu aqqaneq marlunnik apeqquteqarput.
septembarip 12-at 2013 10:34

Petersenip Heilmannillu erseqissaatigaat 1956-imi qaqutigoortunik aatsitassaasinnasunik annertuumik nassaartoqartoq, soorlu uran, thorium, zirconium, niobium, yttrium, zink, tin, lithium, beryllium aamma allat qaqutigoortut aatsitassat, taamatullu imerpalanerusuneersut pisuussutit klor aamma fluor Kuannersuarni, tamakkuusullu taamanikkulli nalunaarsorneqarlutillu annertussusersorneqarsimasut.

Risø atomimik nukissiuuteqarnermik misileraaviliornami urani atorneqartoq Nunatsinneersuuvoq, aammaRisømi uranimik eqqakkat ilaat tassaapput aatsitassaq urani Kuannersuarni piiaarneqarsimasoq.  

Partii taamatut apeqquteqaateqarnermigut 50-ikkunni pisimasut kingunerisaannik paasisaqarusuppoq, taamanimi nunatsinni uraminik piaasoqarmat.