Rio de Janeiromi peqqarniisaartoqaqaaq

Suna tamaat aalassatsillugu mavedanserneq qillaalasorpassuillu. Rio de Janeiromi atisalersorluni qittattarnersuaq, karnevalertarneq, nunarsuaq tamakkerlugu tusaamasaavoq. Karnevalernissalli ukioq manna aallartinngilaarnerani Brasiliami illoqarfissuarmi tassani peqqarniisaartoqaqaaq.

Samballammassuit kunngiannik Rio de Janeiromi taaneqartartoq kikkuunerinik ilisimaneqanngitsunit ippassaq unnukkut toqunneqarpoq. Guaracy Paes Falcao nuliilu, aamma samabballaqqissorsuartut ilisimaneqarluartoq, illoqarfimmi sambartarfissuit tusaamasat ilaanni qitinnermut sungiusariareerlutik

20-riarlutik aallaarsaritissimapput. Aviisi Jyllands-Posten taama allaaserisaqarpoq.

Brasiliami tusagassiorfiit oqamisaarput, aningaasanik pinnguaatit nakkutigineqarneri mafia-kkut akornanni assortuussutigineqarsimammat taama aallaasersortoqartoq.

Peqqarniisaarneq unikaallatsinniaraluarlugu Brasiliami præsidenti sakkutuunik immikkut sungiusakkanik katilugit 400-nik Rio-mukartitsisimagaluarpoq, tamannali iluaqutaavallaanngilaq, suli toqoraasoqartuarmat.

Rio de Janeiromi karnevalernissarsuaq sapaatiuppat aallartissaaq, ilimagineqarporlu isiginnaariat 60.000 missaanniittut takkutissasut.