Rigsombudsmandi taarserneqalerpoq
decembarip 01-at 2004 08:14
Naalagaaffiup nunatsinni sinniisua 1.spril 2005-mi nutaamik taarserneqalerpoq. Namminersornerullutik oqartussani pisortaanerusimasoq 44-nik ukiulik Søren Hald Møller, Danmarkimi naalakkersuisut toqqaqqammeraat, nutaarsiassaqartitsivik Ritzau allappoq.
Maannamut rigsombudsmandiusoq Peter Lauritzen apriilimi 2002-mili taama atorfeqarpoq.
Søren Hald Møller, 44-nik ukioqarpoq inuiaqatigiilerinermillu ilinniagartuujulluni. 1987-mili Namminersornerullutik Oqartussani immikkoortortani assigiinngitsuni atorfeqartarsimavoq, ilaatigut 1999-miit 2002 tikillugu pisortaanerusimalluni. Ullumikkut Aatsitassanut Pisortaqarfimmi allaffimmi pisortatut atorfeqarpoq.