Rigshospitalimukartinneqarsimasut pulaartartunik amigaateqartartut

Peqqissutsimut naalakkersuisup kalaallit peqqissartut illuat Københavnimiittoq sapaatip akunnerata siuliani pulaarpaa, peqqissariartullu arlaqartut Danmarkimiinnerminni kiserliortarsimapput peqqissarnerullu nalaani sammisassaaleqisarsimallutik.
 
Taamaattumik Doris J. Jensenip kissaatigaa kalaallit Københavnimi peqqissartunut pulaartoqarsinnaanneq pitsanngorsaavigineqassasoq.

AAMMA ATUARUK Naalakkersuisut vil sende flere patienter til Island

Peqqinnissaqarfiup iluani pitsanngorsaaniarnerit saniatigut Naalakkersuisoq napparsimasunut kalaallisut oqaluttunik kajumissutsiminnik pulaartarsinnaasunik ujartuivoq.
 
Kalaallit illuat Københavnimiittoq aamma Kalaallit Københavnimi eqqaanilu peqatigiiffii naalakkersuisumit naapinneqarput. Pulaartartuusinnaasunillu aaqqissuussinissamut atatillugu ukiamut ataatsimiinnissamut piareersaasoqartussanngorluni.

- Neriuutigaara nammineq kajumissutsiminik aaqqissuussamut peqataanissamut soqutigineqarluarumaartoq,  kajumissutsiminnimmi suleqataasinnaasunik pisariaqartitsisoqarpoq, ajoraluartumillu tamanna siunissami minnerulernavianngilaq, Doris J. Jensen oqarpoq.

AAMMA ATUARUK Kalaalimerngit utoqqaat inuuneranni naleqartitsisut

Pulaartartussatut soqutiginnissinnaasut Aarhusimi Kalaallit Illuutaata nittartagaani paasisaqarnerusinnaapput.