Rigshospitalimi mersorlutillu, erinarsorlutillu qimussertut
Napparsimmavissuup atlantikup avannaanut atassuteqarnerminik ulluni pingasuni nalliuttorsiulaartitsinerata ulluisa kingullersaraat. Kalaallit, savalimmiormiut islandimiullu Rigshospitalimut nakorsiartinneqartarput.
- Ullut atlantikup avannaamiunik nalliuttorsiuteqarfiusut annertuumik suliaritinnerminnut atillugu uninngasut qasuersaarfittut atorsinnaavaat. Nunagisaminneersunik avatangiiseqartinneqarnerat atlantikup avannaamiutut kinaassuseqarnerannut nukittorsaaqataasinnaavoq, aamma uninngasut oqaloqatigiissutigisassaaleqinngillat, napparsimmavissuup arnaqquassaava tungujortoq, Janne Kjærsgaard, suliniummik aaqqiissuuseqataasoq aviisimut Kristeligt Dagbladimut taama oqarpoq.
Ullut atlantikup avannaamiunik nalliuttorsiuteqarfiusut pingajussaanik ingerlanneqarput. Siornatigut Ullut Kalaallit Nunaannik nalliuttorsiuteqafiusunik taarneqartarsimagaluarput, aaqqissuunerillu taakku marluusimallutik.
Ullut atlantikup avannaamiunik nalliuttorsiuteqarfiusut ingerlanerini nunanit taakkunannga mamartulianik ussigassaqartitsisoqarpoq, Kalaallit Nunaannut angalatooq oqaluttuartinneqarluni kiisalu alaskamiut qimmiinik malamudinik marlunnik qimuttulerluni qimussertoqarluni. Aviaja Lumholt nipilersorluni aliikkusersuisuuvoq.
