Ricky Enø Jørgensen Tour de L'avenir-imi ullumi aallartippoq
Cykelerluni pissartanngorniunneq Tour de L'Avenir nunarsuarmi cykelerluni pissartanngorniunnerup ilungersunarnerpaasup Tour de Francep inuusuttunut pissartanngorniunnerattut naatsuussami kalaaleq peqataavoq.
Ricky Enø Jørgensen ulluni arfineq pingasuni cykelerluni unammeqataassaaq, nunat allamiut 18-it unammeqatigissallugit.
Cykelerluni unammineq ullumi aallartillugu kilometerinik arfineq marlunnik isorartutigisunik ingerlaartoqassaaq. Unammineq tamakkerluni 1.300 kilometerinik isorartussusseqarpoq, isorartussutsit assigiingitsut qulingiluat unammissutigineqassallutik.
Ricky Enø Jørgensen siunnersuisarfik Glud & Marstrand LRØ sinnerlugu unamminermi peqataavoq.