RG sinniisoqarfiata atorunnaarsinneqarnera

- Sulisartut ukiorpassuarni Royal Greenlandimut attaveqataataat sinniisoqarfik Royal Greenlandimit taamaatinneqarsimasoq, SIK-p siulittaasuata Jess G. Berthelsenip arfininngormat oqaatigisaa Royal Greenlandip siulersuisuini siulittaasup tunuartup Elias G. Larsenip ilumuunnginnerarpaa.

Aalisartunut attaveqartarnerit Keld Askærip ikkunerata kingornagut  pitsanngoriarsimanerannik oqartoqarnera Jess G. Berthelsenip paasiuminaatsinnerarpaa, namminneq paasisatik tunngavigalugit taamaattoqanngimmat, tamakkulu tunngavigalugit Royal Greenlandip sinniisoqarfia taamaatissimasoq, SIK-p siulittaasuata oqaatigaa.

Royal Greenlandip siulersuisuini siulittaasup tunuartup Elias G. Larsennip radioaviisimut oqaatigaa Royal Greenlandip pisortaasa, Royal Greenlandilluunniit siulersuisuisa malittarisassat imaasiinnarlugit allanngortissinnaanngikkaat. Malittarisassanilli allannguisussaanerarpai piginnittut, tassalu naalakkersuisut malittarisassanik Royal Greenland kingullermik ataatsimeersuarmat malittarisassanik allannguipput, sinniisoqarfillu piginnittunit atorunaarsinneqartoq.