RG pillugu paatsuuisarnerit qaangerniarneqalerput

Royal Greenlandimut raajallu akiinut paatsuuinerit nungutinneqartariaqalerput. KNAPK-p raajat akiisa qaffanneqarnissaannik piumasaqaataa pillugu suliffeqarfissuup siulersuisuini siulittaasoq Paviâraq Heilmann taama oqarpoq. KNAPK isumaqarpoq sineriammut qanittumi aalisartunut akigissaartitsinissaq qulakkeerniarlugu Royal Greenlandip miliuunilikkaanik sinneqartoorutini taakkununnga atortariaqarai.

Kisianni siulersuisuni siulittaasup Paviâraq Heilmann-ip isumaa malillugu silarsuaq taamatut isikkoqanngilaq.

-Royal Greenland sinneqartooraangat raajat akii

pissutaaneq ajorput, nunarsuarmili suliffeqarfiutigut pissutaasarlutik, Paviâraq Heilmann oqarpoq. Erseqqissaatigaa nunarsuarmi akigititat taama appasitsigitillugit raajarnianut akinik qaffaanissaq Royal Greenlandimut ulorianartuusinnaasoq.

KNAPK, aalisarnermut naalakkersuisoqarfik Royal Greenlandimilu aqutsisut Paviâraq Heilmannip ataatsimeeqatiserai. Taamaaliornikkut raajat akiisa taama appasitsiginerannut suna tunngaviunersoq Royal Greenlandi nassuiaanissamut periarfissaqalissammat. Aalisarnermi kattuffinnut isumaqatiginninniartartut tassaammata suliffeqarfissuup aqutsisui, siulersuisuunngitsut, Paviâraq Heilmann erseqqissaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat