RG-p siulersuisui eqqissillutik suliniarput

Royal Greenland-imi siulersuisut eqqissillutik sulisinnaanngortut, aningaaserivimmullu aningaasaliisartumik Alfred Berg Bank-imik suleqateqarneq ingerlaannassasoq suliffeqarfissuup siulittaasortaava Paaviaaraq Heilmann oqarpoq.

-Paaseqatigiilluta siumut sammisumik ingerlanissarput isumaqatigiissutigaarput. Aamma tamanna piginnittut, suliffissuup bankimut attaveqarfiup taamatut sulinisaq pisariaqartippaat, tamannalu aaliangiunneqarpoq, Paaviaaraq Heilmann oqarpoq.

Nunani allani ingerlatat namminersortunngorsarnissaanut tunngatillugu aningaasaliisartumik Alfred Berg-imik suleqateqarneq ingerlaannassasoq piginnittunut saaffiginnissutigineqassasoq aamma oqaatigineqarpoq.

Naalakkersuisut siulittaasuata ingerlatseqatigiiffinnut akisussaalernera pillugu Paaviaaraq Heilmann oqarpoq kina akisussaanersoq apeqqutaatinnagu sulissallutik, piginnittullu suleqatigilluarnissaat naatsorsuutigalugu.

Siulersuisuni siulittaasup tullerilerpaa Ole Kielmann Hansen.