RG-p KNAPK-llu imminut attaveqatigiittarnerat naammanngilaq

Namminersornerullutik Oqartussat Royal Greenland-illu akornini attaveqaqatigiinneq kisimi ippinnaateqanngilaq. Paasinarsivoq Royal Greenland-ip KNAPK-llu akunneranittaaq attaveqatigiinneq ajornartorsiutaasoq.

Nutaarsiassani ullup qeqqanut tusarliunneqartuni Royal Greenland-ip pisortaata Keld Askær-ip oqaatigaa isumaqarsimalluni Ilulissani suliffissuup ukiuunerani matugallarnissaa KNAPK-p isumaqataaffigisimagaa. KNAPK-lli pisortaata Peter S. Olsen-ip taamaanngilluinnarnerarpaa.

- Ilulissani suliffissuup ukiuunerani matoqqanerani, Qasigiannguani qaleralilerineq Royal Greenland-ip Ilulissanut nuunnissaa pilersaarutigisimavaa. Maannali

KNAPK-p piumasarisaa Royal Greenland-ip tusaanialerpaa.

Suliffissuup qaammammi ataatsimi matoqqatitsinissaq aalisartut piniartullu akuersaarpaat, sivitsorneqassappalli qanoq qisuariaateqassappat?

-Taamatut aalajangertoqassappat KNAPK-mit akerlilissavarput. Sikuunnginneranimi periarfissaq atorluarusupparput, suliffissuarnimmi matusinerit ilaasortatsinnut eqquinerlussapput, KNAPK-mi pisortaq Peter S. Olsen naggasiivoq.