RG: Naalakkersuisut sangujoraarput

Namminersornerullutik Oqartussat pigisaat, Royal Greenland, isumaqarpoq, Naalakkersuisut qaleralinnik tunisassiorneq pillugu poiltikkikkut sangujoraartut.
Allattoq Jens Thorin
apriilip 10-at 2009 16:51

Halibut Greenland qaleralinnik 1800 tonsinik Ilulissat Upernaviullu eqqaanni pisanik tigooraasussamik umiarsuarmik tunitsiviliiniassaanut Naalakkersuisut akuersinerat tamatumuinnga tunngaviuvoq.

- Nunami tunisassiornissaq aallunneqassasoq umiarsuarnillu tunitsiveqartitsineq tapertaannartut isigineqassasoq, Naalakkersuisut siusinnerusukkut politikkeraat, periaaserli maanna allanngorpoq. Taamaammat tupinnanngilaq pilersaarutivut misissoqqittariaqaleratsigit, Royal Greenland-ip piosortaanerata tullia Pâviâraq Heilmann Sermitsiamut oqarpoq.

Taamatut aalajangerneq Qasigiannguani tunisassiorfimmi sulisunik qulineq Upernavimmilu, tunisassiorfimmi piginneqataaffimminni, sulisunik 15-inik soraarsitsinermik kinguneqassasoq, Paaviaaraq Heilmann naliliivoq.

Qalerallit amerlanerusut nunatsinni tunisassiarinerqartarnissaannik kissaateqarnermik akuersissuteqarneq tunngaveqartoq, aalisarnermut naalakkersuisoq, Finn Karlsen, oqarpoq. Qalerallit Royal Greenland-ip Qeqertarsuut tunuani tunitsiviinut tunisat affaat nunani allani suliareqqinneqartarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq