RG iliuuseqarusunngilaq

Ilulissani raajaleriffiup februaarip aallaqqaataaniit qaammatini pingasuni matoqqanissaa pillugu aalisartut qisuariaataat Royal Greenlandimit iliuuseqarfigineqarusunngilaq.

Ilulissani raajarniutaatillit peqatigiiffianni siulittaasup, Jerimias Jensenip, suliffissuup matunissaa umiarsualivimmi nalaatsornerinnakkut tusaramiuk aalisartunik mitaatiginnittoqarnerarpaa.

Tamatumunnga Royal Greenlandimi pisortaq, Henrik Leth ima akivoq:

- Oqartussaqarfiit kattuffiillu tamaasa paasissutissanik nassinnikuuagut. Raajarniartartut paasitinneqarsimassanngipata kattuffiup paasissutissat nassiussagut ingerlateqqissimassanngilai.

Ilulissani raajanik tunisisinnaajunnaarunik Sisimiunut Paamiunulluunniit raajarniuttaatillit tunisiartortarniarnatik aalajangersimasut Ilulissani aalisartut peqatigiiffianni siulittaasup ippassaq oqaatigaa.

Henrik Lethip tamanna ima akivaa:

- Tamanna oqaloqatigiissutigisariaqarparput. Suliffissuarmik ukiukkut matusisarnerput ukiut tamaasa pisarpoq. Suliffissuit sisamat affaannarmik tunisassiortinnissaannit marluk tamakkiisumik tunisassiortinnissaat soqutigineruvarput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat