RG aalisapilunnermut killiliivoq

Royal Greenlandimi pisortaaneq Flemming Knudsen ima unnersiorpoq.

- Aalisarnerup akisussaassusilimmik ingerlanneqarnissaa siunertaraarput. Taamaammat suliamut peqataanerput nuannaarutigaarput.

Taama oqarpoq Royal Greenlandip pisortaanera Flemming Knudsen. Royal Greenlandi aalisartitseqatigiiffinnik allanik ilaqarluni akuersissuteqarani aalisartunik akiuiniartunik ukuusunik suleqateqarpoq, McDonalds Norgemi oqartussaasut kisalu EU kommissioni. Taakkua inatsisiliaanni akuerisaasumik pisat saarulliit Barentshavemeersut talittarfinnut aalajangersimasunut tulaanneqartarnissaat allassimavoq.

Akuersissuteqanngitsumik aalisarneq akiorniarlugu Royal Greenland niuernikkut inatsiseqarpoq.

Inatsit Royal Greenlandip umiarsualivinnik akuerisaasunik pingasuusunit Hollandimi Tysklandimilu inissisimasuni taamaallaat tunisisarnissaa piumasarineqarpoq.

Inatsisiliorsimaneq Flemming Knudsenip siunissaq ungasinnerusoq eqqarsaatigalugu isumalluarnartutut isigaa.

Taamatuttaaq erseqqissaatigineqarpoq Barentshave nunarsuarmi saarulleqarnerpaatut nalilerneqartoq.