Reykjavikimi Nunarput pillugu illumik ammaasoqarpoq

Illu nutaaq, pingasunik quleriilik, Kalaallit Nunaannik alaatsinaassisoq Reykjavikip aqqusernani niuertarfeqarfiusumi Laugarvegurimi ammarpoq.
Kattie, ejer, og Lykke, Visit Greenland Assi © : Visit Greenland
Allattoq Tikaajaat Kristensen
februaarip 20-at 2015 17:54

Visit Greenland tusagassiutinut nalunaarummi taama allappoq.

Illu Greenland Centremik taaneqartoq Kattie Nielsenimit Fridrik Magnussonimillu pigineqarpoq, taakkulu ukiorpassuarni takornariaqartitsinermik suliaqartuupput, ilaatifut Island Nunarpullu avammut nittarsaattarsimallugu.

- Islandip Kalaallit Nunaatalu akornani suleqatigiinnermik pilersitserusuppugut, takornariaqartitsineq misigisaqartitsinerlu sammineruvagut kisiannili aamma eqqumiitsuliorneq, kulturi, assassorneq ilusilersuinerlu aamma sammivagut, Fridrik Magnusson allappoq.

Greenland Centemi Kalaallit Nunaannut angalaniarnermi paasissutissanik pisoqarsinnaavoq, Islandimiillu Kalaallit Nunaannut angalanernik pisisoqarsinnaalluni.

The Greenland Cetre februaarip aallartinnerani angallassisut saqqummersitsineranni Mid-Atlanticimi atoqqaarneqarpoq, taamani Visit Greenlandip illup atoqqaarfissiornera nalliuttorsiutigalugu naapisimaanermik aaqqissuussimmat, inunnit 80-t missaannit angallassinermik suliaqartunit najuuffigineqartumik.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk