Repulse Bay pisortatigoortumik Naujat-mik ateqalerpoq
Nunaqarfimmi Naujani innuttaasut taasitinneqarnerisigut, Inuktitut taaguutaata atorneqaqqilernissaa aalajangerneqartoq, nunaqarfimmi borgmesteri, Solomon Malliki, CBC NEWS-imut oqarpoq.
Taanna aamma oqarpoq, nunaqarfiup Inuktitut taaguutaata atorneqalernerani Inuktitut oqaluttarneq nukittorsarneqarlualissasoq naatsorsuutigalugu.
Oqaluttuassartaanik oqaluasaartalissapput
Solomon Mallikip aamma oqaluttuaraa, nunaqarfimmi utoqqaat qanga pisimasunik nunaqarfiullu oqaluttuassartaanik nunaqqatiminnut oqaluasaartalernissaat taamaasilluni anguneqarsinnaalersoq.
Naujani nalliuttorsiualaarnermut Nunavummi nunaqarfinnit allanit peqataajartortunik tikittoqartoq, Solomon Malliki aamma oqarpoq.
Naujat qaasuitsup killerpiaani inissisimavoq Nunavummi Kivillermiilluni. Nunaqarfik Naujat 750-it missaannik amerlatigisunik innuttaqartoq Nunavummi nunaqarfiit qallunaatut taagorneqalersimagaluartut Inuktitut aqqisa pisortatigoortumik taagorneqalernerini, Naujat ilanngullugu maanna qulinngorput.