Californiami hash ukioq kingulleq ammaanneqarpoq.Assi: Flickr

Repræsentanternes Husip hash ammaakkusukkaat

USA-mi innuttaasut sinnerlugit sinniisoqarfiammi Repræsentanternes Husimi, demokraatinit amerlanerussuteqartumi, politikerit ikiaroornartoq hash ammaakkusuppaat.

Siunnersuulli sinniisoqarfiup aappaanit, tassa Senatimit, akuerineqaqqaassaaq, tassanilu republikanerit amerlanerussuteqarmata akuerineqarnissaa ilimanaateqanngilaq.

Nutaarsiassaqartitsivik Ritzau taama allaaserisaqarpoq.

Hash ikiaroornartut inerteqqutaasut allattorsimaffianit peerneqassasoq siunnersuutigineqarpoq. Allattorsimaffimmi ikiaroornartut heroin kokainilu aamma allassimapput, atuisullu sakkortuumik pineqaatissinneqarsinnaasarlutik.

Californiami pineqaatissiinerit tusindilikkaat ukioq manna allanngortinneqarput, naalagaaffimmimi hash ukioq kingulleq ammaanneqarpoq.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat