Ilisimatusarfimmi rektorip Gitte Adler Reimerip  ukiut siuliini ilinniakkaminnik taamaatitsiinnartartut amerlanerannut pissutaanerarpaa, Ilisimatusarfimmi ilinnialernissamut piumasaqaatit appasinnerummata.Assi: Ilisimatusarfik

Rektori: Piumasaqaateqarnerulerneq unitsitsiinnartukinnerulersitsivoq

Ilisimatusarfimmi oqaasilerinermi, atuakkialerinermi tusagassiutilerinermilu ilinniartut unitsitsiinnartut ukiut sisamat ingerlanerinnaani 89 procentimiit 0 procentimut appartinneqarput. Piumasaqaatit qaffanneqarneri unitsitsiinnartartut ilaatigut ikilisinneqangaatsiarput.

Taamatittartut ikileriasaarnerannut pissutaavoq ilinnialernissamut  piumasaqaatit qaffanneqarmata.

Ilisimartusarfimmi ukioq 2015-mi ilinnialerlutik aallartittut 181-iusut taakkunannga 44 procentii ilinniakkaminnik taamaatitsipput.

Unititsiinnarttartullu ikileriasaarput 2019-milu ilinniakkaminnik unititsisut 8 procentiinnaapput.

Ilisimatusarfimmi rektorip Gitte Adler Reimerip  ukiut siuliini ilinniakkaminnik taamaatitsiinnartartut amerlanerannut pissutaanerarpaa, Ilisimatusarfimmi ilinnialernissamut piumasaqaatit appasinnerummata.

AAMMA ATUARUK Ilisimatusarfik har fokus på frafaldet

- Ilisimatusarfimmi uniinnartut ukioq 2015-imi amerlangaatsiarput, Ilisimatusarfiummi ataani ilinniarfiusinnaasut piumasaqaataat taamani appasinnerupput, Ilisimatusarfimmi rektor taama oqarpoq.

Piumasaqaateqarnerullunilu sukanganerusut

Taamaattumik ilinniartunut Ilisimatusarfimmut qinnuteqartunut piumasaqaatit  qaffanneqarput.

Tassani oqaasilerinermi, matematikkimilu piumasaqaatit qaffanneqarput. Piumasaqaatit qaffannerisigut ilinniartut aallartittartut ikiligaluartut, Ilisimatusarfimmi ilinniakkat amerlineqarnikuunerisa ilinniartut amerlassusaanut allannguinngilaq, Gitte Adler Reimer taama oarpoq.

Oqaasilerinermi, atuakkialerinermi tusagassiutilerinermilu ilinniartut unitsitsiinnartut ikileriarput.

2015-mi unitsitsiinnartut 89 procentiupput siorna taamaatittoqarani. 

Piumasaqaatit qaffanneqarnerisigut siorna ilinnialerlutik aallartittut amerlassussaannut  takussutissaqarpq.

- Piumasaqaatit annertusineqarsimapput, naak ilinniartut 20-it sinnerlugit sprog, litteratur og medier-mi qinnuteqarsimagaluartut qulinngiluaannaat tiguneqarput, Gitte Adle Reimer taama oqarpoq

Oqaasilerinermi, atuakkialerinermi  tusagassiutilerinermi ilinnialerusukkaani minnerpaamik ilinniarnertuunngorniarfimmiit naammassigaani karaterileriaaseq 12 skalamik taaneqartartoq malillugu, agguaqatigiisillugu 6-imik karaktereqartariaqarpoq

Saniatigullu Kalaallisut Danskisullu oqaasilerinermi qaffasinnerpaaq tassa A-mik taaneqartartoq tuluttullu qaffasissuseq B ilinniarnertuunngorniarfimmi ilinniarsimasariaqarput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl